Əliyar Ağayevə Çempionlar Liqasında böyük təyinat

Azərbaycanlı FIFA referisi Əliyar Ağayev UEFA-dan növbəti yüksək səviyyəli təyinat alıb.

Sport1.az xəbər verir ki, təcrübəli referi Çempionlar Liqasının əsas mərhələsinin 4-cü turunda keçiriləcək “Slaviya” (Çexiya) – “Arsenal” (İngiltərə) matçını idarə edəcək.

Ağayevə kömək edəcək hakimlər briqadasına Akif Əmirəli və Zeynal Zeynalov daxildir. Dördüncü hakim funksiyasını Elçin Məsiyev yerinə yetirəcək. Görüşün VAR otağında isə niderlandlı hakimlər — Rob Diperink və Yerun Manshot çalışacaqlar.

Oyun noyabrın 4-də, Bakı vaxtı ilə saat 21:45-də Praqada start götürəcək.

Qeyd edək ki, “Arsenal” 3 turdan sonra 9 xalla qrupun lideridir, “Slaviya” isə 2 xalla 4-cü pillədə qərarlaşıb.