“Liverpul”un ulduzuna Səudiyyədən tarixi təklif

Səudiyyə Ərəbistanı Peşəkar Futbol Liqası “Liverpul”un ulduzu Məhəmməd Salahı transfer etmək planlarından hələ də əl çəkməyib.

Sport1.az xəbər verir ki, məlumatı TBR Football nəşri yayıb. 33 yaşlı misirli hücumçu gələcəkdə Yaxın Şərqdə oynamağa açıq olduğunu bildirib.

Keçən yay “Liverpul” tarixində ən yüksək maaşlı oyunçu kimi yeni müqaviləyə imza atan Salah bu mövsüm əvvəlki performansını təkrarlaya bilmir.

Səudiyyə klubları ona illik 150 milyon avro maaş, turizm səfiri statusu və gələcəkdə bir klubun müəyyən payına sahiblik imkanı təklif edir.

Mənbənin iddiasına görə, hazırda nə futbolçu, nə də “Liverpul”la rəsmi danışıqlar aparır, lakin təklif hələ də qüvvədə qalır və Salah istədiyi vaxt onu qəbul edə bilər.

Qeyd edək ki, misirli hücumçu bu mövsüm “Liverpul”un heyətində 13 oyunda iştirak edib, 4 qol vurub və 3 məhsuldar ötürmə ilə yadda qalıb.