Yazı / Manşet
12:09
25.10.2025
370
"Araz"ı ayırdılar, yoxsa "Sabah"ı? - KÖŞƏ
Misli Premyer Liqasında 9-cu turun oyunları keçirilir.
Bu gün "Araz-Naxçıvan" "Liv Bona Dea Arena"da "Sabah"ı qəbul etməli idi. Amma oyun "Bank Respublika Arena"da keçiriləcək. Niyə?
Gəlin, PFL-in rəsmi saytındakı qərarı diqqətinizə çatdırım:
“Araz-Naxçıvan” Peşəkar Futbol Klubunun ev oyunlarını keçirdiyi “Liv Bona Dea Arena” stadionu noyabrın 30-dək əsaslı təmirə bağlanıb. Bununla əlaqədar olaraq, Peşəkar Futbol Liqasının (PFL) Premyer Liqanın təqvimində dəyişikliklər etməsi zərurəti yaranıb.
Əsasnamənin tələblərinə uyğun olaraq, PFL tərəfindən “Araz-Naxçıvan” klubundan alternativ stadion təqdim etməsi tələb olunub və paralel şəkildə ölkə stadionlarının ümumi durumu təhlil edilib. Rəqiblərə eyni şərtlərin təmin olunması məqsədilə klubun ev oyunlarını keçirdiyi Bakı və ətraf ərazilərdə yerləşən stadionlar nəzərdən keçirilib.
Aparılmış qiymətləndirmə nəticəsində “Bank Respublika Arena” və Mehdi Hüseynzadə adına Sumqayıt şəhər stadionu ən uyğun variantlar kimi müəyyənləşdirilib. Yerli və beynəlxalq oyunların qrafiki nəzərə alınmaqla, Misli Premyer Liqasının IX turunun “Araz-Naxçıvan” – “Sabah” oyunu “Bank Respublika Arena”da, XI turun “Araz-Naxçıvan” – “Karvan-Yevlax” və XII turunun “Araz-Naxçıvan” – “Turan Tovuz” oyunları isə Mehdi Hüseynzadə adına Sumqayıt şəhər stadionunda keçiriləcək.
Qeyd edək ki, oyunların tarix və başlama vaxtlarında dəyişiklik yoxdur".
Qəribə və ədalətli olmayan qərardır. Birincisi, "rəqiblərə eyni şərtlərin təmin olunması məqsədilə klubun ev oyunlarını keçirdiyi Bakı və ətraf ərazilərdə yerləşən stadionlar nəzərdən keçirilib" cümləsi "Araz-Naxçıvan"ın bölgə və ya Naxçıvan təmsilçisi olmadığının faktiki isbatıdır. Çünki mövsümün əvvəli Premyer Liqaya vəsiqə qazanan bölgə klubları - "İmişli" və "Karvan-Yevlax"a ev oyunlarını Bakıda keçirtmək icazəsi verilməmişdi. "Araz-Naxçıvan" Naxçıvanı təmsil etsəydi, ona bu icazə verilməzdi.
Keçək, ikinci məsələyə. Bu boyda Bakıda "qırmızı-bəyazlar"ın ev oyunlarının keçirilməsi üçün təkcə "Bank Respublika Arena" tapıldı? Ötən mövsüm Premyer Liqa oyunlarının baş tutduğu "Bayıl Arena" nə günə qaldı? AFFA niyə öz balansında olan stadionu "Araz-Naxçıvan"a verməyib ki?
Üçüncü və ən qəliz məsələyə keçək. Bu komanda 3 həftə ərzində niyə 2 dəfə stadion dəyişir ki? Hansı fors-major hal yaranır? Niyə "Araz-Naxçıvan"ın 3 ev oyununun hamısı Mehdi Hüseynzadə adına Sumqayıt şəhər stadionunda keçirilmir? Naxçıvanlılar niyə "Sabah"ı Masazırda qəbul edir? Bu komandalar avrokuboklar uğrunda mübarizə aparırlar. Qarşılaşmanın Masazırda keçirilməsi "Sabah"ın əlini gücləndirmir? Bu qərar idman prinsiplərinin pozulmasıdır. Ən ədalətli variant "Araz-Naxçıvan"ın bütün oyunlarının Sumqayıtda keçirilməsi idi. PFL, AFFA nə üçün belə əndirabadi qərar qəbul edib? Bu, "Araz"ı ayırmaqdır, yoxsa "Sabah"ı?
İLKİN SULTANLI
Bu gün "Araz-Naxçıvan" "Liv Bona Dea Arena"da "Sabah"ı qəbul etməli idi. Amma oyun "Bank Respublika Arena"da keçiriləcək. Niyə?
Gəlin, PFL-in rəsmi saytındakı qərarı diqqətinizə çatdırım:
“Araz-Naxçıvan” Peşəkar Futbol Klubunun ev oyunlarını keçirdiyi “Liv Bona Dea Arena” stadionu noyabrın 30-dək əsaslı təmirə bağlanıb. Bununla əlaqədar olaraq, Peşəkar Futbol Liqasının (PFL) Premyer Liqanın təqvimində dəyişikliklər etməsi zərurəti yaranıb.
Əsasnamənin tələblərinə uyğun olaraq, PFL tərəfindən “Araz-Naxçıvan” klubundan alternativ stadion təqdim etməsi tələb olunub və paralel şəkildə ölkə stadionlarının ümumi durumu təhlil edilib. Rəqiblərə eyni şərtlərin təmin olunması məqsədilə klubun ev oyunlarını keçirdiyi Bakı və ətraf ərazilərdə yerləşən stadionlar nəzərdən keçirilib.
Aparılmış qiymətləndirmə nəticəsində “Bank Respublika Arena” və Mehdi Hüseynzadə adına Sumqayıt şəhər stadionu ən uyğun variantlar kimi müəyyənləşdirilib. Yerli və beynəlxalq oyunların qrafiki nəzərə alınmaqla, Misli Premyer Liqasının IX turunun “Araz-Naxçıvan” – “Sabah” oyunu “Bank Respublika Arena”da, XI turun “Araz-Naxçıvan” – “Karvan-Yevlax” və XII turunun “Araz-Naxçıvan” – “Turan Tovuz” oyunları isə Mehdi Hüseynzadə adına Sumqayıt şəhər stadionunda keçiriləcək.
Qeyd edək ki, oyunların tarix və başlama vaxtlarında dəyişiklik yoxdur".
Qəribə və ədalətli olmayan qərardır. Birincisi, "rəqiblərə eyni şərtlərin təmin olunması məqsədilə klubun ev oyunlarını keçirdiyi Bakı və ətraf ərazilərdə yerləşən stadionlar nəzərdən keçirilib" cümləsi "Araz-Naxçıvan"ın bölgə və ya Naxçıvan təmsilçisi olmadığının faktiki isbatıdır. Çünki mövsümün əvvəli Premyer Liqaya vəsiqə qazanan bölgə klubları - "İmişli" və "Karvan-Yevlax"a ev oyunlarını Bakıda keçirtmək icazəsi verilməmişdi. "Araz-Naxçıvan" Naxçıvanı təmsil etsəydi, ona bu icazə verilməzdi.
Keçək, ikinci məsələyə. Bu boyda Bakıda "qırmızı-bəyazlar"ın ev oyunlarının keçirilməsi üçün təkcə "Bank Respublika Arena" tapıldı? Ötən mövsüm Premyer Liqa oyunlarının baş tutduğu "Bayıl Arena" nə günə qaldı? AFFA niyə öz balansında olan stadionu "Araz-Naxçıvan"a verməyib ki?
Üçüncü və ən qəliz məsələyə keçək. Bu komanda 3 həftə ərzində niyə 2 dəfə stadion dəyişir ki? Hansı fors-major hal yaranır? Niyə "Araz-Naxçıvan"ın 3 ev oyununun hamısı Mehdi Hüseynzadə adına Sumqayıt şəhər stadionunda keçirilmir? Naxçıvanlılar niyə "Sabah"ı Masazırda qəbul edir? Bu komandalar avrokuboklar uğrunda mübarizə aparırlar. Qarşılaşmanın Masazırda keçirilməsi "Sabah"ın əlini gücləndirmir? Bu qərar idman prinsiplərinin pozulmasıdır. Ən ədalətli variant "Araz-Naxçıvan"ın bütün oyunlarının Sumqayıtda keçirilməsi idi. PFL, AFFA nə üçün belə əndirabadi qərar qəbul edib? Bu, "Araz"ı ayırmaqdır, yoxsa "Sabah"ı?
İLKİN SULTANLI
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.