Reşford "Mançester Yunayted"i tənqid etdi

Hazırda icarə əsasında "Barselona"da çıxış "Mançester Yunayted"in hücumçusu Markus Reşford İngiltərə klubunun inkişaf istiqamətini tənqid edib.

Sport1.az xəbər verir ki, bu barədə ESPN "The Rest is Football" proqramına istinadən məlumat verib. İngiltərəli futbolçu deyib:

"Fergyuson komandanın başında olanda müəyyən prinsiplər yalnız əsas heyətdə yox, hətta akademiyada da mövcud idi. 15 il ərzində istənilən oyunçunu götürə bilərdiniz — hər kəs bu klubun prinsiplərini bilirdi. İnsanlar deyir ki, keçid dövrümüz illərdir davam edir. Amma keçid dövründə olmaq üçün əvvəlcə onu başlamaq lazımdır. Əslində, dəyişikliklər hələ də başlamayıb. Bunu uzun müddət uğurlu olan hər bir komandada görmək olar — onların prinsipləri olur və hər gələn məşqçi, futbolçu həmin prinsiplərə uyğunlaşmalı və ya öz töhfəsini verməlidir.

Bəzən elə hiss edirəm ki, "Mançester Yunayted"... Biz qələbəyə acıq, daim uyğunlaşmağa, sistemə uyğun futbolçular almağa çalışırıq. Amma bu, daha çox reaksiya xarakterli olur. Əgər istiqamətiniz daima dəyişirsə, çempion olma ehtimalınız azdır. Bəli, bir neçə kubok qazana bilərsiniz, amma bu yalnız yaxşı məşqçi və yüksək keyfiyyətli futbolçulara sahib olduğunuz üçün baş verər — təsadüfi deyil. Artıq çoxlu məşqçilərimiz olub, müxtəlif ideyalar, strategiyalar sınanıb ki, qalib gələk. Amma nəticədə sadəcə heç yerə getmirik".