"Bir çox insan "Mançester Yunayted"ə nifrət edir"

"Mançester Yunayted"in futbolçusu Harri Maquayr kluba qarşı göstərilən təzyiqlərdən danışıb.

Sport1.az xəbər verir ki, o, əksər insanların "qırmızı şeytanlar"ı sevmədiyini deyib:

"Uşaqlar çox çalışırlar, komandada gözəl ab-hava var. Biz uğur qazanmaq istəyirik, buna nail olmaq üçün əlimizdən gələni edirik. Başa düşürük ki, son vaxtlar kifayət qədər yaxşı olmamışıq və azarkeşlərimizə kifayət qədər sevinc bəxş etməmişik.

Ser Ferqusson burada olanda keçid dövrünü yaşadıq, ən yaxşı komandaya sahib idik və bütün kubokları qazandıq. Amma reallıq odur ki, biz indi ən yaxşısı deyilik. Təzyiqlə mübarizə aparmalısan. Ölkədəki bir çox insan "Mançester Yunayted"ə nifrət edir".