"Qəbələ" üçün əlimdən gələni edəcəyəm"

“Qəbələ”nin yeni transferi Adriel Ba Loua klubun mətbuat xidmətinə açıqlama verib.

Sport1.az xəbər verir ki, yarımmüdafiəçi keyfiyyətli heyətlərinin olduğunu bildirib:

“Fikrimcə, keyfiyyətli komandamız var. “Qəbələ” ötən il I Liqada çempion olub və düşünürəm ki, bu, təsadüfi deyil. Komandanı bir çox futbolçuların tərk etməsinə baxmayaraq, heyətimizin keyfiyyətli olduğunu düşünürəm. Peşəkar və təcrübəli məşqçilər korpusumuzla gözəl işlər görə bilərik. Ümidvaram ki, yaxşı nəticələrə imza atmağı bacaracağıq. Mən də “Qəbələ” üçün əlimdən gələni edəcəyəm.Azərbaycanın çox yaxşı insanları var. Komandamızda da hələlik hər şey qaydasındadır. Əvvəllər Azərbaycan haqqında məlumatım yox idi. “Qəbələ”dən dəvət gəldikdən sonra araşdırdım, hər şeyi götür-qoy etdim və sonda qərarımı verdim. Burada olmaq çox xoşdur. Azərbaycan və Qəbələ gözəldir”.

Qeyd edək ki, klub Adriel Ba Loua ilə 1 illik müqavilə imzalayıb.