London klubunun istədiyi yarımmüdafiəçi
"Nyukasl"ın yarımmüdafiəçisi Sandro Tonali Premyer Liqada klubunu dəyişə bilər.
Sport1.az xəbər verir ki, "Tottenhem" italyalı futbolçunu transfer etmək istəyir.
Bu barədə insayder Fabrisio Romano məlumat yayıb.
"Mahmızlar"ın baş məşqçisi Roberto De Zerbi italiyalı yarımmüdafiəçini orta xəttin yeni lideri kimi görür. Təcrübəli mütəxəssis həmyerlisinin transferini israrla istəyir.
Məlumata görə, "Tottenhem" bu keçiddə heç də tək deyil. Londonlular Tonalinin transferi uğrunda mübarizədə "Mançester Siti" və "Arsenal" kimi nəhəng rəqiblərlə üz-üzə qalacaq. Klub rəhbərliyi isə bu transferi bitirməklə yeni və iddialı layihəsinin gücünü nümayiş etdirmək niyyətindədir.
Qeyd edək ki, Tonali 2023-cü ildən "Nyukasl"da çıxış edir. O, "sağsağanlar"ın heyətində 94 oyunda 10 qol vurub, 7 məhsuldar ötürmə edib.
