Andradedən "Neftçi"ni əsəbiləşdirəcək açıqlama: "Daha çox..."

Misli Premyer Liqasının 31-ci turunda "Qarabağ" "Neftçi"ni məğlub etdi - 3:0.

Qarşılaşmadan sonra Ağdam təmsilçisinin üzvü Leandro Andrade Sport1.az-a müsahibə verdi..

- Matçla bağlı fikirlərin maraqlıdır...
- Bizim üçün yaxşı oyun keçdi. Məşqçimizin verdiyi tapşırıqların hamısını qüsursuz şəkildə yerinə yetirdik. Oyunda nəzarəti özümüzdə saxlamağa çalışdıq. Bir çox fürsətlərimiz oldu. Daha çox qol vura bilərdik. Nəticə olaraq qələbə qazanan tərəf bizik. Buna görə də çox sevincliyik.

- Sizi "Araz-Naxçıvan"la çətin oyun gözləyir. Kubokda qarşılaşacaqsınız. Oyunla bağlı nə deyə bilərsən?
- Görüşdə qalib gələrək finala adlamaq istəyirik. Bu matçla bağlı motivasiyamız və inancımız tam pik səviyyədədir. İlk oyunda məğlub olsaq da, ikinci matçda qələbə qazanan tərəf biz olacağıq. Səbirsizliklə bu qarşlaşmanı gözləyirəm. Özümə və komandama çox əminəm. Hər şey bizim adımıza çox yaxşı olacaq.

- "Neftçi"ni məğlub edərək çempionluğa 1 addım da yaxınlaşdınız. Bununla bağlı nə fikirləşirsən?
- Hamımız çempion olmaq istəyirik. Kubok qazanmaq çox gözəl hissdir. Bu, hamımızın uşaq olanda qurduğu xəyallardır. Mövsüm ərzində məhz bu hədəf üçün çalışırıq.

EMİN ZEYNALLI