Premyer Liqa / Manşet
09:50
21.04.2025
413
"Neftçi"nin formasını geyinən futbolçular harada çıxış etdiklərini anlamalıdırlar" - AÇIQLAMA
"Neftçi" bu mövsüm gözlənilən ümidləri doğrultmur.
Komanda 31 turdan sonra turnir cədvəlində 6-cı pillədə qərarlaşıb. Bakı klubunun hazırlı vəziyyəti qənaətbəxş deyil.
Flaqmanın bu durumda olmasının səbəbi nədir? "Neftçi" "qara zolaq"dan nə vaxt çıxacaq? Suallarımızı Bakı təmsilçisinin yetirməsi, veteran futbolçu və hakim Rüstəm Rəhimova ünvanladıq. Mütəxəssis məsələ ilə bağlı Sport1.az-a açıqlamasında bunları söylədi:
"Neftçi" Azərbaycanın futbolunda tarix yazan komandadır. Bu klub sayəsində futbolun sirlərini öyrənmiş və peşəkar futbolçu karyerasına qədəm qoymuşam. "Neftçi" mənim üçün doğma evim kimidir. İstər sovetlər dövründə, istərsə də ittifaqdan sonrakı dönəmlərimizdə "ağ-qaralar" daim zirvələrdə görməyə öyrəşmişik. Bakı klubu 1-2-ci yerlər uğrunda döyüşüb. Harada "Neftçi" olubsa, orada nəaliyyətlərə şahidlik etmişik. Amma hazırda tarixlər yazmış komanda heç ilk "4-lüy"ə belə düşə bilmir. Bu mənzərə çoxları kimi mənim də ürəyimi ağrıdır. Bu gün komandanın uğursuzluğunda çoxları baş məşqçini günahlandırsa da, mən belə düşünmürəm. Əlbəttə ki, komandanın nəticələrinə onun sükanı arxasında kim durursa, o da cavabdehdir. Samir Abasov bacarıqlı gənc, mütəxəssislərimizdəndir. O, nəticə verən məşqçidir. Amma onun əlinin altında keyfiyyətli oyunçular azdır. "Neftçi"nin formasını geyinən futbolçular harada çıxış etdiklərini anlamalıdırlar. Komandada meydanda döyüşəcək və oyunun axarını dəyişəcək oyunçular yox dərəcəsindədir. Bu kluba son dərəcə hazırlıqlı, keyfiyyətli futbolçular cəlb olunmalıdır. "Ağ-qaralar"ın güclü və dayanıqlı əvəzedici komandası olmalıdır. İstər aşağı yaş qruplarında, istərsə də "Neftçi-2"də peşəkar, səriştəli və gənc istedadları üzə çıxarmağı bacaran məşqçilər yer almalıdır. Onlar hər il ən azı 4-5 gənc oyunçunu əsas komandaya qazandırmalıdırlar. Hazırkı reallıq "Neftçi" üçün xoş deyil. Komandanın çempionat yolu ilə heç bir iddiası qalmayıb. Ola bilər ki, kubokda uğur qazan bildi. Bunu edə bilsələr, gələn mövsümə daha hazırlıqlı, döyüşkən komanda görə bilərik".
Komanda 31 turdan sonra turnir cədvəlində 6-cı pillədə qərarlaşıb. Bakı klubunun hazırlı vəziyyəti qənaətbəxş deyil.
Flaqmanın bu durumda olmasının səbəbi nədir? "Neftçi" "qara zolaq"dan nə vaxt çıxacaq? Suallarımızı Bakı təmsilçisinin yetirməsi, veteran futbolçu və hakim Rüstəm Rəhimova ünvanladıq. Mütəxəssis məsələ ilə bağlı Sport1.az-a açıqlamasında bunları söylədi:
"Neftçi" Azərbaycanın futbolunda tarix yazan komandadır. Bu klub sayəsində futbolun sirlərini öyrənmiş və peşəkar futbolçu karyerasına qədəm qoymuşam. "Neftçi" mənim üçün doğma evim kimidir. İstər sovetlər dövründə, istərsə də ittifaqdan sonrakı dönəmlərimizdə "ağ-qaralar" daim zirvələrdə görməyə öyrəşmişik. Bakı klubu 1-2-ci yerlər uğrunda döyüşüb. Harada "Neftçi" olubsa, orada nəaliyyətlərə şahidlik etmişik. Amma hazırda tarixlər yazmış komanda heç ilk "4-lüy"ə belə düşə bilmir. Bu mənzərə çoxları kimi mənim də ürəyimi ağrıdır. Bu gün komandanın uğursuzluğunda çoxları baş məşqçini günahlandırsa da, mən belə düşünmürəm. Əlbəttə ki, komandanın nəticələrinə onun sükanı arxasında kim durursa, o da cavabdehdir. Samir Abasov bacarıqlı gənc, mütəxəssislərimizdəndir. O, nəticə verən məşqçidir. Amma onun əlinin altında keyfiyyətli oyunçular azdır. "Neftçi"nin formasını geyinən futbolçular harada çıxış etdiklərini anlamalıdırlar. Komandada meydanda döyüşəcək və oyunun axarını dəyişəcək oyunçular yox dərəcəsindədir. Bu kluba son dərəcə hazırlıqlı, keyfiyyətli futbolçular cəlb olunmalıdır. "Ağ-qaralar"ın güclü və dayanıqlı əvəzedici komandası olmalıdır. İstər aşağı yaş qruplarında, istərsə də "Neftçi-2"də peşəkar, səriştəli və gənc istedadları üzə çıxarmağı bacaran məşqçilər yer almalıdır. Onlar hər il ən azı 4-5 gənc oyunçunu əsas komandaya qazandırmalıdırlar. Hazırkı reallıq "Neftçi" üçün xoş deyil. Komandanın çempionat yolu ilə heç bir iddiası qalmayıb. Ola bilər ki, kubokda uğur qazan bildi. Bunu edə bilsələr, gələn mövsümə daha hazırlıqlı, döyüşkən komanda görə bilərik".
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.