Təsadüf, yoxsa sistem? – "Sabah"ın uğur hekayəsi

Azərbaycan futbolunda "Sabah" artıq sadəcə iddialı klub deyil, əsas güc mərkəzlərindən birinə çevrilir. Ardıcıl ikinci il titul qazanmağa yaxın olmaları və "qızıl dubl" şansı bu yüksəlişin təsadüfi olmadığını sübut edir.

Bəs bu uğurun səbəbi nədir? Əslində hər şey planlı işin nəticəsidir. Rəqiblər heyət formalaşdırmaqla məşğul olduğu vaxtda, "Sabah"ın artıq oturuşmuş komandası və aydın oyun planı var idi.

Əlbəttə, "Qarabağ"ın bütün gücünü Çempionlar Liqasına sərf etməsi daxili çempionatda rəqabət üçün müəyyən imkanlar yaratdı. Masazır təmsilçisi də bu fürsəti peşəkarlıqla dəyərləndirə bildi.

Valdas Dambrauskasın gəlişi komandaya yeni nəfəs gətirdi. Litvalı məşqçi hər futbolçunun imkanlarından maksimum yararlanmağı bacardı. Onun dövründə edilən nöqtə transferlər də komandaya tez uyğunlaşdı və qısa zamanda nəticəyə təsir etməyə başladı.

​Masazırdan gələn bu uğur sədaları çempionatda rəqabəti artırır. Görünən odur ki, biz sadəcə bir mövsümlük çempionluğun yox, Azərbaycan futbolunda uzunmüddətli yeni bir iddialı tərəfin yaranışını izləyirik.

MƏHƏMMƏD HÜSEYNOV