Cəbrayıl Hacıyev: “Çempion olmaq istəyirdim”

Sərbəst güləş üzrə Avropa üçüncüsü Cəbrayıl Hacıyev (79 kq) təəssüratlarını bölüşüb.

Sport1.az xəbər verir ki, idmançı federasiyanın mətbuat xidmətinə açıqlama verib.

“Şükürlər olsun, komanda olaraq yaxşı çıxış etdik. Kislovodskidə yaxşı təlim-məşq toplanışı keçdik. Axırıncı hazırlığımız Bakıda oldu. Müəllimlərimin hamısı yanımda idi. Bu mənim böyüklərin Avropa çempionatında ikinci çıxışım idi. Əlbəttə, çempion olmaq istəyirdim. Bu dəfə üçüncü yerə çıxdım. İnşallah, gələn il daha da yaxşı hazırlaşıb, bu medalın əyarını qızıl edərəm. Qarşıdan dünya çempionatı gəlir. Ona da yaxşı hazırlaşacağam.”