"Qarabağ"dan azarkeşlərinə növbəti jest - bu dəfə uşaqlar üçün
"Qarabağ" azarkeşlərə müraciət edib.
Sport1.az xəbər verir ki, Bizon Azərbaycan Kuboku çərçivəsində "Sabah" ilə keçiriləcək qarşılaşmada bəzi azarkeş kateqoriyaları üçün xüsusi güzəştlər tətbiq olunacaq.
Belə ki, qadın azarkeşlər üçün stadiona giriş ödənişsiz olacaq. Bundan başqa, 15 yaşınadək uşaqlar valideynləri ilə birlikdə stadiona gəldikləri halda biletsiz daxil ola biləcəklər.
Bununla yanaşı, klub bir sıra vacib məqamları da diqqətə çatdırıb. Bildirilib ki, 15 yaşınadək uşaqlar stadiona tək gəldikləri halda giriş ödənişli olacaq. Uşaqları ilə gələn valideynlər isə özləri üçün bilet almalıdır. Güzəşt yalnız uşaqlara şamil edilir və bu, valideyn müşayiəti ilə mümkün olacaq.
“Qarabağ” azarkeşləri bu imkandan yararlanaraq komandaya tribunadan dəstək verməyə çağırıb.
