"Tottenhem" Tomas Frankı istefaya göndərdi

"Tottenhem" baş məşqçisi Tomas Frankı istefaya göndərib.

Sport1.az xəbər verir ki, bu barədə klubun mətbuat xidməti məlumat yayıb.

Lonson təmsilçisinin açıqlamasında bildirilib: "Klub kişilərdən ibarət komandanın baş məşqçisini dəyişdirmək qərarına gəlib və bu gün Tomas Frank vəzifəsindən ayrılacaq. Klubda olduğu müddət ərzində Tomas sədaqət nümayiş etdirərək özünü tamamilə klubun inkişafına həsr edib. Töhfəsinə görə ona təşəkkür edirik və gələcəkdə uğurlar arzulayırıq".

Mütəxəssis 2025-ci ilin iyun ayından "Tottenhem"i çalışdırırdı. Hazırda komanda 2025/26 Premyer Liqanın turnir cədvəlində 26 oyundan 29 xalla 16-cı yerdədir.