Tahir Gözel: "Bərabərlik üçün yox, qələbə üçün gedirik"

“Qarabağ”ın prezidenti Tahir Gözel AzTV-yə açıqlama verib.

Sport1.az xəbər verir ki, Ağdam təmsilçisinin prezidenti komandasının Çempionlar Liqasındakı uğurlu çıxışı haqda fikirlərini bölüşüb:

"Çox gözəl yerlərə gəlib çıxmışıq. Tarixi mövsüm keçiririk. Bu, məni çox sevindirir. Avropada 1200-dən çox klub var və biz ilk "24-lüy"ə düşmüşük. "Nyukasl"la oyuna qalib gəlmək arzusu ilə çıxacayıq. Biz səfərə bərabərlik üçün yox, qalibiyyət üçün gedirik. Müdafiədə yox, hücumda çıxış edəcəyik. Klubun prezidenti olaraq Qurban Qurbanov və komandamdan gözləntim odur ki, bütün rəqiblərə qarşı ən gözəl oyunu görmək istəyirəm".

Qeyd edək ki, "Qarabağ" bu rəqiblə ilk görüşünü fevralın 18-də Bakıda, cavab matçını fevralın 24-də İngiltərədə keçirəcək.