Duran “Zenit” yolunda

Rusiyanın “Zenit” klubu hücumçu Con Duranın transferi ilə bağlı “Əl-Nəsr”lə yekun razılığa gəlib.

Sport1.az xəbər verir ki, bu barədə jurnalist Maksim Nikitin məlumat yayıb. Futbolçu artıq müqavilə imzalamaq üçün Sankt-Peterburqa yollanıb.

Razılaşmanın şərtlərinə əsasən, “Zenit” icarə haqqı ödəməyəcək. Mövsümün sonunda isə Rusiya klubu futbolçunu 35 milyon avro qarşılığında birdəfəlik transfer etmək hüququ əldə edəcək. 

Con Duranın maaşının böyük hissəsini “Əl-Nəsr” qarşılayacaq. “Zenit” isə yarım mövsüm üçün futbolçuya 4 milyon avro ödəyəcək, qalan məbləği Səudiyyə Ərəbistanı təmsilçisi üzərinə götürəcək.

Qeyd edək ki, Con Duran cari mövsümə Türkiyənin “Fənərbağça” klubunda başlayıb. Hücumçu icarə əsasında çıxış etdiyi İstanbul təmsilçisinin heyətində çempionatda 10 oyuna çıxıb, 3 qol vurub və 3 məhsuldar ötürmə ilə yadda qalıb.