UEFA açıqladı: Koxalski ən yaxşılar sırasında
Çempionlar Liqasının 2025/26 mövsümünün əsas mərhələsi üzrə ən çox seyv edən qapıçılar bəlli olub.
Sport1.az xəbər verir ki, UEFA-nın statistik hesabatında Norveçin “Bodo-Qlimt” klubunun rusiyalı “çərçivə qoruyucu”su Nikita Haykin 8 oyunda etdiyi 49 qurtarışla siyahının ilk pilləsində yer alıb. “Real”ın qolkiperi Tibo Kurtua 41 seyv ilə ikinci olub.
Reytinqdə növbəti yerləri “Marsel”dən Xeronimo Rulli və “Kayrat”ın qapıçısı Temirlan Anarbekov bölüşür – hərəsi 36 seyv. Çexiyanın “Slaviya” klubundan İndrix Stanek isə 34 qurtarışla onların ardından gəlir.
Qeyd edək ki, “Qarabağ”ın qapıçısı Mateuş Koxalski də ən çox seyv edənlər sırasında yer alıb. Polşalı qolkiper PSV-dən Matey Kovarj və “Kopenhagen”dən Dominik Kotarski ilə birlikdə 30 seyv göstəricisinə imza atıb. İlk “10-luğ”u “Nyukasl”ın qapıçısı Nik Poup (28 seyv) və “Benfika”dan Anatoli Trubin (27 seyv) tamamlayır.
