“Qarabağ”ın “Enfild” imtahanı – YENİLƏNİR

Bu gecə “Qarabağ” UEFA Çempionlar Liqasının Liqa mərhələsində sonuncu – 8-ci tur oyununa çıxacaq.

Sport1.az xəbər verir ki, Qurban Qurbanovun komandası səfərdə “Liverpul”la qarşılaşacaq. “Enfild” stadionunda keçiriləcək görüş Bakı vaxtı ilə saat 00:00-da start götürəcək.

Matçı slovakiyalı FIFA referisi İvan Krujlyakın rəhbərlik etdiyi hakimlər briqadası idarə edəcək.

7 turdan sonra “Qarabağ” 10 xalla turnir cədvəlinin 18-ci pilləsində qərarlaşıb. “Liverpul” isə 15 xalla 4-cü yerdədir.

UEFA Çempionlar Liqası

Liqa mərhələsi, 8-ci tur

28 yanvar

00:00. “Liverpul” – “Qarabağ”

Hakimlər: İvan Krujlyak, Branislav Hantsko, Yan Pozor, Peter Kraloviç

VAR: Pol van Boekel

AVAR: Yan Boterberq

“Enfild” stadionu, Liverpul, İngiltərə.