“Liverpul”la matçda uğurlu nəticəyə ümid edirik” – Yankoviç
“Qarabağ”ın futbolçusu Marko Yankoviç “Liverpul”la matçda uğurlu nəticəyə ümid edir.
Sport1.az xəbər verir ki, yarımmüdafiəçi bunu UEFA Çempionlar Liqasının əsas mərhələsinin 8-ci turu çərçivəsində keçiriləcək qarşılaşma öncəsi mətbuat konfransında deyib.
O, oyuna ciddi hazırlaşdıqlarını vurğulayıb:
“Baş məşqçimizin dediyi kimi, biz dünyanın ən gözəl stadionlarından birində və güclü komandaya qarşı oynayacağıq. Bu, bizim üçün bir şərəfdir və burada olduğumuza görə xoşbəxtik. Sabah isə yaxşı bir oyun göstərməyə ümid edirik. Təbii ki, qarşı tərəfə hörmətimiz var. Onlar evdə çıxış edirlər, biz isə qonağıq. Sabahkı matçda uğurlu nəticəyə ümid edirik”.
Qeyd edək ki, “Liverpul” – “Qarabağ” oyunu yanvarın 28-dən 29-na keçən gecə “Enfild”də keçiriləcək. Matç Bakı vaxtı ilə saat 00:00-da start götürəcək.
