“Liverpul” – “Qarabağ” matçının hakimləri bəlli oldu

UEFA Çempionlar Liqasının Liqa mərhələsinin 8-ci turunda keçiriləcək “Liverpul” – “Qarabağ” oyunu üçün hakimlər heyəti müəyyənləşib.

Sport1.az xəbər verir ki, yanvarın 28-dən 29-na keçən gecə “Enfild” stadionunda baş tutacaq qarşılaşmanı slovakiyalı FİFA referisi İvan Krujlyak idarə edəcək.

Yan xəttdə ona Branislav Hantsko və Yan Pozor assistentlik edəcək. Dördüncü hakim funksiyası isə Peter Kraloviçə tapşırılıb.

VAR hakimi niderlandlı Pol van Boekel olacaq. AVAR-da isə belçikalı Yan Boterberq çalışacaq.

Qeyd edək ki, “Liverpul” – “Qarabağ” matçı Bakı vaxtı ilə saat 00:00-da başlayacaq.