Ançelottinin DÇ-2030 planı...
Braziliya millisinin baş məşqçisi Karlo Ançelotti yığmadakı fəaliyyətini uzun müddət davam etdirə bilər.
Sport1.az xəbər verir ki, bu barədə “Globo” nəşri məlumat yayıb. İtaliyalı mütəxəssis Braziliya Futbol Konfederasiyası ilə müqavilənin 2030-cu il Dünya Çempionatınаdək uzadılması barədə şifahi razılıq əldə edib.
Tərəflər yeni anlaşmanın əsas şərtlərini artıq razılaşdırıblar. Hazırda məzuniyyətdə olan Ançelottinin yanvarın 22-də Rio-de-Janeyroya qayıdacağı və fevralın ilk həftələrində müqaviləyə rəsmi imza atacağı gözlənilir.
Qeyd olunur ki, yeni müqavilə maliyyə baxımından əvvəlki şərtlərə yaxın olacaq. Hazırda yığmalar arasında ən yüksək maaş alan məşqçi hesab olunan Ançelotti (təxminən 10 milyon avro) bu göstəricini qoruyacaq, bonus sistemi isə idman nəticələrinə uyğun yenilənəcək.
Xatırladaq ki, Karlo Ançelotti Braziliya millisinin baş məşqçisi postuna 2025-ci ilin may ayında təyin olunub.
