Almaniya səfirindən “Qarabağ”la oyun üçün hədiyyə – FOTO

Bu gün “Qarabağ” UEFA Çempionlar Liqasının əsas mərhələsinin 7-ci turunda “Ayntraxt”la üz-üzə gələcək.

Sport1.az xəbər verir ki, Almaniyanın Azərbaycandakı səfirliyi qarşılaşma ilə bağlı maraqlı müsabiqə təşkil edib. Paylaşımda oyunun hesabını düzgün proqnozlaşdıranlar arasından bir nəfərin püşkatma ilə seçilərək hədiyyə qazanacağı bildirilib:

“UEFA Çempionlar Liqası çərçivəsində bu gün axşam 21:45-də Tofiq Bəhramov stadionunda “Qarabağ” “Ayntraxt”la komandası ilə üz-üzə gələcək.

Oyun üçün proqnozunuz nədir? Təxminlərinizi şərhlərdə yazın! Oyunun nəticəsini düzgün təxmin edənlərdən bir nəfərə püşkatma ilə səfir Horlemann tərəfindən mükafat olaraq hədiyyə təqdim ediləcək”.