Çempionlar Liqası öncəsi “Barselona”da itki, Rafinya isə...

“Barselona”nın hücumçusu Rafinya zədəsini tam sağaldıb və tibbi baxışdan keçərək matçlarda iştirak üçün icazə alıb.

Sport1.az xəbər verir ki, katalonlar eyni zamanda Ferran Torresin itkisi ilə üzləşib. İspaniyalı forvard La Liqada “Real Sosyedad”la görüşdə sağ ayağının yarımqişalı əzələsindən zədə alıb və onun təxminən 10 gün yaşıl meydanlardan kənarda qalacağı bildirilib.

Qeyd edək ki, “blauqrana”nı çərşənbə günü Çempionlar Liqasının ümumi mərhələsinin 7-ci turunda səfərdə “Slaviya” ilə qarşılaşma gözləyir. Həmin oyunda sarı vərəqə limitinə görə Lamin Yamal da komandasına kömək edə bilməyəcək.

Yarımmüdafiəçi Qavi və müdafiəçi Andreas Kristensen isə zədədən sonra bərpa prosesini davam etdirir.