İnfantinonun maaşı dörd dəfə artıb

FIFA prezidenti Canni İnfantinonun maaşı kəskin artıb.

Sport1.az xəbər verir ki, qurum rəhbərinin qazancı son illərdə dörd dəfə yüksəlib. “Le Monde” nəşrinin məlumatına görə, funksioner 2025-ci il ərzində ümumilikdə 5,27 milyon avro gəlir əldə edib.

İnfantino 2016-cı ildə FIFA prezidenti seçildiyi ilk il 1,28 milyon avro qazanmışdı. Gəlirin artmasında əsas amillərdən biri isə 2022-ci ildə Qətərdə keçirilən Dünya Çempionatına görə aldığı 1,29 milyon avro məbləğində bonus olub.

Qeyd edək ki, Canni İnfantinonun FIFA prezidenti kimi səlahiyyət müddəti 30 mart 2027-ci ildə başa çatır. Daha əvvəl qəbul edilən qərara əsasən, 2016–2019-cu illər onun ilk prezidentlik dövrü hesab edilmədiyi üçün funksioner 2027-ci ildə yenidən namizədliyini irəli sürə bilər.