AFFA Qara Qarayevin burada işləməsini istəyir – ÖZƏL

"Araz-Naxçıvan"dan qarşılıqlı razılıq əsasında ayrılan Qara Qarayev seçim qarşısında qalıb.

Sport1.az-a daxil olan məlumata görə, yarımmüdafiəçi karyerasını bitirə də bilər, davam etdirə də.

33 yaşlı futbolçu Naxçıvan təmsilçisindən ayrılandan sonra maraqlı təklif alıb. AFFA rəsmiləri Qara ilə görüşərək millidə işləməyi təklif ediblər. Federasiya başbilənləri Ayxan Abbasovla məsləhətləşdikdən sonra futbolçunun onun köməkçisi olmasını istəyiblər. 

Lakin Qara Qarayev bir qədər düşünmək istədiyini, karyerasını davam etdirmək ehtimalının olduğunu vurğulayıb. 

Qeyd edək ki, yarımmüdafiəçi millimizin heyətində 77 qarşılaşmada meydana çıxsa da, fərqlənə bilməyib.

MİRZƏ S.