“Bavariya” iki futbolçusu ilə bağlı qərar verdi

“Bavariya” heyətində çıxış edən Serj Qnabri və Konrad Laymerlə bağlı qərarını verib.

Sport1.az xəbər verir ki, bu barədə “Sky Sport” məlumat yayıb. Məlumata görə, Münhen klubu hər iki futbolçu ilə yeni müqavilə imzalamağı planlaşdırır.

Bildirilir ki, 30 yaşlı Serj Qnabri ilə nəzərdə tutulan yeni sözləşmə 2028-ci ilin yayına qədər olacaq. Hazırda alman hücumçunun “Bavariya” ilə mövcud müqaviləsi 2026-cı ilin iyununda başa çatır. Qnabri bu mövsüm bütün turnirlər üzrə 21 oyunda meydana çıxıb, 5 qol vurub və 8 məhsuldar ötürmə ilə yadda qalıb.

Konrad Laymerlə isə daha uzunmüddətli razılaşma gündəmdədir. 28 yaşlı yarımmüdafiəçi ilə müqavilənin 2029-cu ilin yayına qədər uzadılması planlaşdırılır. Avstriyalı futbolçunun indiki sözləşməsi 2027-ci ilin iyununa qədər qüvvədədir. Laymer 2025/26 mövsümündə 24 matçda forma geyinib, 2 qol vurub və 7 assist edib.