“Barselona” Almaniyada çıxış edən iki müdafiəçini izləyir
“Barselona”nın idman rəhbərliyi Almaniyada çıxış edən iki gənc müdafiəçini izləyir.
Sport1.az xəbər verir ki, “Sport.es” nəşrinin məlumatına görə, katalon klubu “Volfsburq”un futbolçusu Konstantinos Kulierakis və hazırda “Hamburq”da icarə əsasında çıxış edən, müqavilə ilə “Tottenhem”ə məxsus olan Luka Vuçkoviçi nəzarətdə saxlayır.
Bildirilir ki, “Barselona”nın bu futbolçulardan hər hansı birini qış “transfer pəncərəsi”ndə heyətinə qatması real görünmür. Klubun daha çox uzunmüddətli perspektiv üçün müşahidə apardığı qeyd olunur.
Qeyd edək ki, Kulierakis cari mövsümdə bütün turnirlər üzrə 16 oyunda meydana çıxıb və məhsuldar göstərici ilə yadda qalmayıb. Onun “Volfsburq”la müqaviləsi 2029-cu ilin yayına qədər qüvvədədir.
Luka Vuçkoviç isə mövsüm ərzində 15 matçda forma geyinib və 2 qola imza atıb. Müdafiəçinin “Tottenhem”lə müqaviləsi 2030-cu ilə qədərdir.
