Van Deyk: “Sadəcə futbol oynayaq, əfsanələr də belə yaranıb”
“Liverpul”un müdafiəçisi Vircil van Deyk sosial şəbəkələrdə futbolçulara yönələn tənqidlərə münasibət bildirib.
Sport1.az xəbər verir ki, niderlandlı arxa xətt oyunçusu xüsusilə gənc nəsil üçün bu mühitin çətinlik yaratdığını vurğulayıb. Van Deykin sözlərinə görə, platformaların sayının artması futbolçular üzərində əlavə psixoloji təzyiq formalaşdırır və bu səbəbdən o, Məhəmməd Salahla birlikdə gənc oyunçulara sosial mediadan uzaq durmağı tövsiyə edir:
“Ətrafda həddindən artıq səs-küy var. Gələcək nəsil üçün bu, daha da çətin olacaq. İnsanlar tez-tez deyir ki, buna öyrəşmək lazımdır, amma belə işləmir. Sadəcə futbol oynayaq. 10–20 il əvvəl də belə idi və həmin futbolçular əfsanəyə çevrildilər”.
Qeyd edək ki, Vircil van Deyk 2018-ci ildən “Liverpul”un formasını geyinir. 34 yaşlı futbolçu Premyer Liqanın ikiqat qalibi və Çempionlar Liqasının qalibi olub.
