“Tottenhem” qış transferləri üçün 150 milyon ayırdı

“Tottenhem” rəhbərliyi qarşıdakı “transfer pəncərəsi” üçün futbolçu alışına 150 milyon funt sterlinq ayırıb.

Sport1.az xəbər verir ki, bu barədə “The Sun” nəşri məlumat yayıb. London təmsilçisinin əsas hədəfi “Bornmut”un cinah hücumçusu Antuan Semenyodur. Lakin nəşrin yazdığına görə, qanalı futbolçunun “şporlar”a keçidi hazırda real görünmür.

Qeyd olunur ki, İngiltərə klubu ötən yay da maraqlandığı “Mançester Siti”nin vingeri Savinyo variantına yenidən qayıda bilər. Bu futbolçu “Tottenhem”in alternativ siyahısında yer alır.

Xatırladaq ki, Tomas Frankın rəhbərlik etdiyi kollektiv Premyer Liqada 17 turdan sonra 22 xalla turnir cədvəlinin 14-cü pilləsində qərarlaşıb. “Şporlar” 18-ci turda dekabrın 28-də “Kristal Pelas”la qarşılaşacaq.