Nazirlik və federasiya birgə yarışlar təşkil edib

Azərbaycan Müdafiə Nazirliyi və Azərbaycan Alpinizm Federasiyasının dəstəyi ilə “Zirvələrin Qalibi” adlı alpinizm (sürətlə dırmanma) yarışı keçirilib.

Sport1.az xəbər verir ki, bu barədə Azərbaycan Alpinizm Federasiyası məlumat yayıb.

Bildirilib ki, turnir gənclər arasında vətənpərvərlik ruhunu yüksəltmək, sağlam həyat tərzini təbliğ etmək və onların fiziki və psixoloji hazırlığını gücləndirmək məqsədi daşıyır.

Yarışların başlıca hədəfi gənc nəslin və hərbi qulluqçuların alpinizmə marağını artırmaq, bu sahə üzrə bacarıqların formalaşdırılması, dağlıq şəraitdə fəaliyyət göstərmə vərdişlərinin inkişaf etdirilməsi, dözümlülük və çevikliyin gücləndirilməsidir.

Qeyd edək ki, turnirdə iştirak edən və Azərbaycan Müdafiə Nazirliyinin elit bölmələrində xidmət edən bütün idmançılar təhlükəsizlik məqsədilə maskalarda çıxış ediblər.