“Bavariya”nın futbolçusu Avstriyada ilin ən yaxşısı oldu

“Bavariya”nın müdafiəçisi Konrad Laymer Avstriyada 2025-ci ilin ən yaxşı futbolçusu seçilib.

Sport1.az xəbər verir ki, bu barədə yerli federasiyanın rəsmi saytı məlumat yayıb. Səsvermənin nəticələrinə əsasən, Laymer ölkənin ən nüfuzlu fərdi futbol mükafatına layiq görülüb.

Mükafat uğrunda mübarizədə Konrad Laymerin əsas rəqibləri Kristof Baumqartner (“Leyptsiq”), Marko Arnautoviç (“Srvena Zvezda”) və Otar Kiteişvili (“Şturm”) olub.

Qeyd edək ki, 28 yaşlı futbolçu cari mövsümdə “Bavariya”nın heyətində Almaniya çempionu olub və Superkuboku qazanıb. Laymer Avstriya millisi ilə birlikdə isə 2026-cı il Dünya Çempionatının final mərhələsinə vəsiqə əldə edib.