Kunde Çempionlar Liqasında bunu bacaran ilk “Barselona” futbolçusu oldu

Çempionlar Liqasının Liqa mərhələsinin 6-cı turunda “Barselona” öz meydanında “Ayntraxt”ı 2:1 hesabı ilə məğlub edib.

Sport1.az xəbər verir ki, qarşılaşma kataloniyalıların müdafiəçisi Jül Kunde üçün xüsusi əhəmiyyət daşıyıb. Fransalı oyunçu Çempionlar Liqasında bir matçda başla iki qol vuran ilk “Barselona” futbolçusu kimi klub tarixinə düşüb.

Kunde əvvəlcə 50-ci dəqiqədə Markus Reşfordun ötürməsini qapıya yönəldib. Üç dəqiqə sonra Lamin Yamalın künc zərbəsi sonrası göndərdiyi asmanı dəqiq baş zərbəsi ilə tamamlayaraq dublunu rəsmiləşdirib.

Qeyd edək ki, müdafiəçi cari mövsümdə turnirin bütün altı oyununda start heyətində meydana çıxıb. O, “Ayntraxt”la görüşdə vurduğu iki qoldan əlavə bir məhsuldar ötürmə ilə yadda qalıb və bir avtoqol da onun adına yazılıb.