Saprindən proqnoz: “Ayaks”ın itkiləri Bakıda işini çətinləşdirəcək

“Qarabağ”ın Çempionlar Liqasındakı taleyinə təsir göstərə biləcək həlledici qarşılaşma öncəsi tanınmış rusiyalı şərhçi Nikolay Saprin oyunun perspektivlərini dəyərləndirib.

Sport1.az xəbər verir ki, o, “Qarabağ” – “Ayaks” görüşü ilə bağlı fikirlərini Championat.com saytına verdiyi geniş açıqlamada səsləndirib. Şərhçi həm Azərbaycan təmsilçisinin mövsümdəki performansını, həm də rəqibin durumunu nəzərə alaraq matçdan gözləntilərini bölüşüb:

“Qarabağ” iki turda qazandığı iki qələbə ilə pley-off şansını qoruyur. Amma iddianı davam etdirmək üçün xal toplamaq vacibdir. “Ayaks” isə turnirin yeganə xalsız komandasıdır və bu, ideal fürsətdir. Üstəlik, “Qarabağ” hazırda bütün turnirlər üzrə 10 oyunluq məğlubiyyətsiz seriyadadır — “Kopenhagen” üzərində 2:0, “Çelsi” ilə 2:2 bunu təsdiqləyir”.

O, heyət itkisi baxımından da Azərbaycan klubunun üstünlüyə malik olduğunu əlavə edib:

“Kadi Borgesin zədəsi ciddi itkidir, amma komanda bunun öhdəsindən gəlir. “Ayaks”da isə itkilər çoxdur: Bergius uzun müddətdir sıradan çıxıb, Makonnell son matçları buraxıb, əlavə olaraq Şutalo, Teylor və Veghorst da zədələnib. Bu vəziyyət onların işini daha da çətinləşdirəcək”.

Sonda Saprin matçın favoriti olaraq “Qarabağ”ı göstərib:

“Hesab edirəm ki, “Qarabağ” qələbəyə daha yaxındır – ehtimal ki, minimal hesabla: 1:0 və ya 2:1. Matç açıq futbol şəraitində keçəcək. “Ayaks” nə qədər yaxşı oynamasa da, ona da xallar lazımdır. Bu klub avrokuboklarda ardıcıl altı dəfə uduzmayıb. Amma “Qarabağ”ın hücum futbolu hər zaman təhlükəlidir”.