AFFA müxtəlif oyunlarla bağlı cəzaları açıqladı

Əvəzedicilər Liqasında çıxış edən bir neçə klub AFFA İntizam Komitəsinin qərarı ilə maliyyə sanksiyası və oyunçuların cəzalandırılması ilə üzləşib.

Sport1.az xəbər verir ki, XIII turun “Zirə-2” – “Sumqayıt-2” görüşündə dörd futbolçusu sarı vərəqə alan “Sumqayıt-2” 70 manat məbləğində cərimə olunub.

Eyni turun “Kəpəz-2” – “Şamaxı-2” matçında 24 nömrəli oyunçu Sənan Muradlı rəqibi aşkar qol imkanından məhrum etdiyinə görə birbaşa qırmızı vərəqə ilə meydandan qovulub və növbəti 1 oyunu buraxacaq, “Şamaxı-2”yə isə 100 manatlıq maliyyə sanksiyası tətbiq edilib.

Həmin qarşılaşmada əvəzetmə tablolarının işləməməsi səbəbindən “Kəpəz-2”yə də 100 manat cərimə kəsilib. Qərarlar AFFA İntizam Komitəsinin iclasında təsdiqlənib.