“Qarabağ”ın rəqibi məşhur müdafiəçini transfer etmək istəyir

“Qarabağ”ın Çempionlar Liqasının Liqa mərhələsindəki rəqiblərindən olan “Ayaks” azad agent statusunda olan Takehiro Tomiyasunu heyətinə qatmağı düşünür.

Sport1.az Voetbal International-a istinadən xəbər verir ki, yapon müdafiəçi iyul ayında “Arsenal”dan ayrıldıqdan sonra reabilitasiya prosesini ölkəsində davam etdirir və hazırda klub axtarır. Amsterdam təmsilçisi onun həm sağ, həm də sol cinahda oynamaq bacarığını üstün cəhət kimi qiymətləndirir.

Tomiyasu əsas məqsədinin 2026 Dünya Çempionatında Yaponiya millisinin heyətində yer almaq olduğunu bildirib.

Qeyd edək ki, “Qarabağ” – “Ayaks” qarşılaşması dekabrın 10-u saat 21:45-də Tofiq Bəhramov adına Respublika stadionunda keçiriləcək.