De la Fuente mümkün “Finalissima” matçına münasibət bildirdi

İspaniya millisinin baş məşqçisi Luis de la Fuente 2026-cı ildə baş tutması gözlənilən “Finalissima” oyunu barədə fikirlərini bölüşüb.

Sport1.az Marca-ya istinadən xəbər verir ki, söhbət Avropa çempionu İspaniya ilə Amerika Kubokunun qalibi Argentina arasında keçirilə biləcək qarşılaşmadan gedir.

De la Fuente belə bir oyunda iştirak etmək arzusunu gizlətməyib:
“Əvvəlcə görək, bu oyun gerçəkdən keçiriləcək, ya yox. Yaxın günlərdə bununla bağlı qərar veriləcək. Mən belə bir matçda böyük məmnuniyyətlə iştirak edərdim. Müasir futbolda analoqu olmayan qarşılaşmadır – həm zövq almaq, həm də titul qazanmaq üçün əla imkandır”.