Entoni DÇ-2026 haqqında: "Braziliya bütün mümkün titullar üçün mübarizə aparmalıdır"

İspaniyanın “Real Betis” klubunda çıxış edən Entoni DÇ-2026 ilə bağlı hədəfləri barədə danışıb.

Sport1.az Marca-ya istinadən xəbər verir ki, braziliyalı vinger milli komandanın heyətinə düşmək üçün ilk növbədə Betis təmsilçisində yüksək səviyyədə çıxış etməli olduğunu bildirib. Onun sözlərinə görə, yaxşı oyun nümayiş etdirmək və komandaya fayda vermək yığmaya dəvət üçün əsas şərtdir.

Antoni həmçinin Braziliya millisinin baş məşqçisi Karlo Ançelottinin təyinatına da münasibət bildirib: “Ançelotti qalibiyyətə aparmağı bacaran məşqçidir və bu, çox önəmlidir. Onun rəhbərliyi altında yığmanın şansı daha da artır. Mənə görə Braziliya dünyanın ən güclü komandasıdır və bütün titullar uğrunda mübarizə aparmalıdır”.