Mbappe ilə Haaland DÇ-da üz-üzə gələcək

DÇ-2026-nın püşkatmasının ardından Fransa və Norveç milli komandalarının eyni qrupda yer alacağı rəsmiləşib.

Sport1.az xəbər verir ki, bununla da Kilian Mbappe və Erlinq Haaland mundialda qarşılaşacaq. Ulduz futbolçuların dueli yaxın günlərdə Çempionlar Liqasında da təkrarlanacaq. 10 dekabrda Liqa mərhələsinin 6-cı turunda “Real Madrid” öz meydanında “Mançester Siti”ni qəbul edəcək.

Qeyd edək ki, Dünya Çempionatı 2026 gələn yay ABŞ, Kanada və Meksikada təşkil olunacaq. Turnir tarixində ilk dəfə 48 komanda iştirak edəcək. Hazırkı dünya çempionu Argentina millisi 2022-ci ilin finalında Fransa üzərində qalib gəlmişdi — əsas vaxt 3:3, penaltilərdə isə cənubi amerikalılar üstün olmuşdu.