“Çelsi”də şok itki: Palmer barmağını sındırdı

“Çelsi”nin yarımmüdafiəçisi Koul Palmer bir müddət komandaya kömək edə bilməyəcək.

Sport1.az xəbər verir ki, futbolçu evdə yaşadığı bədbəxt hadisə nəticəsində ayaq barmağını sındırıb. Baş məşqçi Enso Mareska bildirib ki, Palmer bir neçə vacib görüşü buraxacaq:

“O, sabah da olmayacaq, “Barselona” ilə oyunu da buraxacaq, “Arsenal”a qarşı da iştirak etməyəcək. Təəssüf ki, evdə qapıya dəyərək barmağını zədələyib. Belə şeylər baş verir – gecə oyanıb tələsəndə hamımız nəyəsə toxunuruq. Onun xəsarəti kiçik barmaqla bağlıdır”.

Qeyd edək ki, Palmer 20 sentyabrdan bəri qasıq ağrıları səbəbindən forma geyinmirdi. Yeni zədə onun qayıdışını ən azı dekabr ayına kimi təxirə salıb. “Çelsi” növbəti matçını noyabrın 22-də “Bernli”yə qarşı keçirəcək.