Terri “Çelsi”nin gənc ulduzunu təriflədi

“Çelsi”nin sabiq kapitanı Con Terri London klubunun gənc hücumçusu Eştevao barədə fikirlərini bölüşüb.

Sport1.az xəbər verir ki, futbol əfsanəsi gənc braziliyalı forvardın potensialını yüksək qiymətləndirib və onun böyük matçların təzyiqinə dözümlü olduğunu bildirib:

“Bu yaşda etdikləri heyrətləndiricidir. O, əsl istedaddır. Baş məşqçinin ona xüsusi qayğı ilə yanaşması xoşuma gəlir. Azarkeşlər və bizlərdən bəziləri onu meydanda daha çox görmək istəyirik. Gənc olanda komandaya mərhələli şəkildə adaptasiya olunursan”.

Qeyd edək ki, Eştevao Çempionlar Liqasında qol vuran ən gənc “Çelsi” futbolçusu ünvanına sahibdir.