Fransa millisinin sabiq çalışdırıcısı: “Rayan Şerkinin DÇ-2026 şansı yoxdur”

Rayan Şerkinin DÇ-2026 üçün Fransa millisinin yekun heyətinə düşmək şansları yüksək qiymətləndirilmir.

Sport1.az xəbər verir ki, bu fikri Fransa yığmasının sabiq baş məşqçisi Raymon Domenek “L’Équipe”ə açıqlamasında bildirib. O, “Mançester Siti”nin futbolçusunun ciddi rəqabətlə üzləşdiyini deyib:

“Maqnes Akliuş, Maykl Olise və Kristofer Nkunku onun birbaşa rəqibləridir… Şansı yoxdur. Hər şey “Mançester Siti”də nə qədər oynayacağından və komandanın necə çıxış edəcəyindən asılı olacaq. Bir neçə matçda əsas heyətdə şans qazanacaqmı, yoxsa son 15 dəqiqə üçün meydanda görünəcək?”

Qeyd edək ki, Fransa millisi D qrupunda 16 xal toplayaraq Avropa zonası üzrə seçmə mərhələni lider kimi başa vurub. Şerki bu mərhələdə iki oyunda iştirak edib.