Benzema Zidanın milliyə mümkün gəlişini dəyərləndirdi
Kərim Benzema Zinəddin Zidanın Fransa millisinin yeni baş məşqçisi ola biləcəyi ilə bağlı xəbərlərə münasibət bildirib.
Sport1.az “L’Équipe”ə istinadən xəbər verir ki, təcrübəli forvard həmvətəninin bu posta tam uyğun olduğunu düşünür:
“Zizu millinin baş məşqçisi olmaq üçün lazım olan hər şeyə sahibdir. O, bunu “Real Madrid”də çoxdan sübut edib. Mənim onun dönəmində yığmaya qayıtmağıma gəlincə, hazırda Fransa millisindən uzağam. Amma gələcək heç vaxt bilinmir. Hazırda diqqətimi yalnız mövcud işimə yönəltmişəm”.
Qeyd edək ki, Fransada yayılan məlumatlara görə, Zidan Didye Deşamın yerinə millinin yeni baş məşqçisi ola bilər. O, “Real Madrid”i 2016–2018 və 2019–2021-ci illərdə çalışdırıb və həmin müddətdə 3 dəfə Şampiyonlar Liqasını, 2 dəfə La Liqanı və 2 dəfə İspaniya Superkubokunu qazanıb.
