Azərbaycan millisinin üzvünə cinayət işi açıldı - Futboldan kənarlaşdırıldı

Azərbaycan millisinin üzvü Mert Çelik barəsində ciddi ittiham irəli sürülüb.

Sport1.az xəbər verir ki, Türkiyə Futbol Federasiyası yarımmüdafiəçinin mərc oyunlarında iştirak etdiyini əsas gətirərək onun adını Peşəkar Futbol İntizam Komitəsinə (PFDK) təqdim edib.

Hazırda “Sivasspor”da çıxış edən futbolçu ilə bağlı istintaq işi açılıb. Prosesi yekunlaşana qədər Çelik futboldan kənarlaşdırılıb.

Qeyd edək ki, 24 yaşlı oyunçu Azərbaycan millisinin heyətində bir qarşılaşmada iştirak edib. O, bu ilin iyununda Belarusla keçirilən yoldaşlıq görüşündə (0:2) meydana çıxmışdı. Çelik daha əvvəl “Neftçi”, “Səbail” və Azərbaycanın U-21 millisinin də formasını geyinib.