“Klivlend Kavalers” Lonzo Ball üçün xüsusi oyun planı hazırlayıb

Dünyaca məşhur basketbolçu Lonzo Ball yeni mövsümdə “Klivlend Kavalers”in heyətində məhdud oyun vaxtı alacaq.

Sport1.az xəbər verir ki, o,hər matçda təxminən 20 dəqiqə oynayacaq və ardıcıl iki gündə meydana çıxmayacaq. Ball hələ tam bərpa prosesində olduğunu deyib: “Hazırda arxa-arxaya oyunlarda tam iştirak etməyəcəyəm. Bu, mövsümün əvvəlində tətbiq olunacaq və vəziyyətimə görə dəyişə bilər”.

Son dörd mövsümdə cəmi 70 oyunda iştirak edən Ball diz zədələrinə görə uzun müddət yaşıl meydanlardan uzaq qalıb. Mövsümlərarası fasilədə “Çikaqo Bulls” onu İsaak Okoro ilə əvəz edərək “Klivlend Kavalers”ə göndərib. Keçən mövsüm Ball “Bulls” forması ilə 35 oyunda orta hesabla 7,6 xal, 3,4 ribaund və 3,3 asistlə yadda qalıb.