“Qarabağ”ın rəqibi heyətin formalaşdırılması xərclərinə görə Avropada liderdir

Londonun “Çelsi” klubu heyət xərclərinə görə Avropa klublarının reytinqinə başçılıq edir.

Sport1.az xəbər verir ki, Beynəlxalq İdman Araşdırmaları Mərkəzinin (CIES) açıqladığı hesabata əsasən, İngiltərə klubu futbolçu transferi və icarəyə ən çox pul xərcləyib.

Araşdırmaya görə, "Çelsi" bu istiqamətlərə 1,3 milyard avro xərcləyib. İlk üçlüyə həmçinin “Mançester Siti” (1,128 milyard avro) və “Mançester Yunayted” (1,071 milyard avro) daxil olub.

"Liverpul" (1,065 milyard avro), "Arsenal" (1 milyard avro) və "Tottenhem" (974 milyon avro) də ilk altılıqda yer alıblar. PSJ yeddinci (873 milyon avro), "Real Madrid" səkkizinci (854 milyon avro), "Nyukasl Yunayted" doqquzuncu (816 milyon avro) və "Atletiko Madrid" (572 milyon avro) onuncu yerdə qərarlaşıb.

Reytinqdə ümumilikdə 100 klub təmsil olunub.

Xatırladaq ki, “Qarabağ”ın Çempionlar Liqasının qrup mərhələsindəki rəqibləri arasında “Çelsi” və “Liverpul” da var.