"Zirə"nin də bəxti gətirdi - YAZI

"Turan Tovuz"un əvəzinə Konfrans Liqasında çıxış edən "Zirə"nin də bəxti gətirdi.

Düşünürəm ki, "Torpedo Kutaisi" güc baxımından Rəşad Sadıqovun komandasından zəifdir. Bəli, Gürcüstanda çempionat davam edir. Doğrudur ki, "Torpedo" hazırda liqada 3-cü pillədə qərarlaşıb. O da düz məlumatdır ki, Kutaisi təmsilçisinin hazırda 11 milyona yaxın büdcəsi var. Bəli, komandanı almaniyalı mütəxəssis Dirk Şuster çalışdıra da bilər. Amma bunlar heç biri "Zirə"nin "Torpedo"ya uduzmasına əsas vermir.

Ümumiyyətlə, yaxın 5 ildə hansısa Gürcüstan klubunun avrokuboklarda Azərbaycan təmsilçisini üstələcəyini inanmıram. "Zirə" bunu bacarmazsa, bir daha avrokuboklara getməsin.

"Qartallar"ın loqistika baxımından da bəxti gətirib. "Qarabağ" və "Sabah"ın rəqibləri də zəifdir. Amma Ağdam təmsilçisi İslandiyaya, Masazır klubu Uelsə səfər etməli olacaq. "Zirə" isə qonşu Gürcüstana baş çəkib, qayıtmalıdır.

İLKİN SULTANLI