Kapitan Messi haqqında: "Onu bağlamağa çalışdıq, amma bacarmadıq"

Əlcəzair millisinin müdafiəçisi və kapitanı Aissa Mandi Argentina ilə oyun barədə fikirlərini bölüşüb.

Sport1.az xəbər verir ki, təcrübəli futbolçu bu barədə FİFA-nın saytına açıqlama verib:

"Əsas amil onların komandasında əla oyun göstərən oyunçunun olması idi. Demək olar ki, hər təhlükəli an qolla başa çatdı. Messi bəlkə də bütün zamanların ən böyük oyunçusudur. Biz onun nə qədər effektiv olduğunu bilirdik və onu mümkün qədər sıx bağlamağa çalışdıq, amma bunu bacarmadıq. Həmin anda o, sadəcə bizdən güclü idi".

Qeyd edək ki, Kanzas-Siti şəhərində keçirilən oyun Argentinanın 3:0 hesablı qələbəsi ilə yekunlaşıb. Lionel Messi bu görüşdə het-triklə yadda qalıb.