"Döyüşkən futbol sərgiləməliyik" - Vidadi Rzayev

Bu gün yığmamız DÇ-2026 seçmə mərhələsi çərçivəsində səfərdə İslandiyanın qonağı olacaq.

Matçla bağlı veteran futbolçu Vidadi Rzayev Sport1.az-a açıqlama verdi.

"İslandiya güc futbolu sərgiləyən, aqressiv kollektivdir. Həyətlərində də top-liqada çıxış edən oyunçuları var. Odur ki, bizi olduqca çətin oyun gözləyir. Yeni mövsümdən Premyer Liqamızda legioner limitinin aradan qaldırılması yığmamıza da təsirini göstərməkdədir. Çünki Fernando Santuşun seçimini məhdudlaşdırıb. Reallığı qəbul edək ki, portuqaliyalı mütəxəssis bu gün güclü rəqibə qarşı açıq futbol sərgiləyə biləcək heyətə sahib deyil. Ona görə də "Buzlar ölkəsi"ndə 2-ci nömrə ilə oynayacağıq. Başlıca məqsəd müdafiədə boşluq verməyib, qapının toxunulmazlığını təmin etmək olacaq. İstənilən halda Azərbaycan keçməsindən həmişə uğurlu nəticə gözləmək olub. Hamınız istəyirik ki, millimizin adı yüksək zirvələrdən gəlsin. Bu gün İslandiyadan xal ilə qayıtsaq uğurlu nəticə olar. Məğlub da olsaq, heç olmasa əzmkar, döyüşkən futbol sərgiləməliyik".

Mirzə S.