"Çelsi"dən ingiltərəli futbolçu ilə bağlı qərar

"Çelsi" maddi təzminat ödəməklə Ceydon Sançonu vaxtından əvvəl "Mançester Yunayted"ə qaytara bilər.


Sport1.az xəbər verir ki, xəbər verir ki, məlumatı "Daily Mail" yayıb.

Mənbənin məlumatına görə, Erik ten Haq ilə mübahisədən sonra icarəyə verilən vingerin müqaviləsinin şərtlərinə görə London klubu 14-cü yerdən yuxarı pillələrdə qərarlaşacağı halda onu 22-25 milyon funt sterlinqə almalıdır. Entso Mareskanın komandası hazırda dördüncü yerdədir. Lakin mənbə londonluların transferdən vaz keçdiyini iddia edir.

Səbəblərdən biri şəxsi şərtlərlə bağlı razılaşmanın olmamasıdır. Sanço hələ də “Çelsi” ilə maaşla bağlı razılığa gəlmir. Bundan başqa, klub digər cinah oyunçularını, o cümlədən "Betis"dən Xesus Rodrigesin namizədliyini də nəzərdən keçirir.

İcarə müqaviləsi pozulsa, "Mançester Yunayted" də maliyyə problemləri ilə üzləşəcək. Klub hələ də 2021-ci ildən transfer haqqı üçün "Borussiya Dortmund"a 17 milyon funt-sterlinq borcludur. Üstəlik, "qırmızı şeytanlar" Sançonun həftəlik 250 min funt-sterlinq maaşının bir hissəsini ödəyir.

Bu mövsüm Sanço 27 oyun keçirib, 2 qol vurub və 6 məhsuldar ötürmə edib.