Millimizin baş məşqçisinin məğlubiyyətlə bağlı izahatı VAR

Avropa Çempionatının əsas mərhələsində yığmamız bu gün Yunanıstanla qarşılaşıb.

[url=S]Sport1.az[/url] xəbər verir ki, matçın başa çatmasına 4 saniyə qalmış məğlub olan komandamızın baş məşqçisi Vitali Borisovun görüşlə bağlı federasiyanın rəsmi saytına açıqlama verib:


“Qrup mərhələsində ən yaxşı oyunumuzu keçirdik. Statistikaya baxıram, rəqib qapımıza doğru 4 zərbə endirib və onlardan 3-ü qol olub. Biz isə 26 zərbədən 2-ni tora qovuşdurduq. Rəqibi bütün göstəricilərdə üstələmişdik. Standart vəziyyətdən və “5-in 4-ə” mübarizə zamanı qollar buraxdıq. Problem realizə ilə bağlı idi. Demək olar, sırf hücumçu mövqeyində oynayan futzalçımız yoxdur. Bunu edəcək futzalçı Kənan Manafovdur, o da zədəsini yeni sağladıb, fiziki baxımdan tam hazır deyil. Buna görə də Kənanı “5-in 4-də” oynayanda meydana buraxdıq. Bunu üzərinə götürəcək oyunçumuz yoxdur”.