Avropa Çempionatında 16 idmançı ilə mübarizə aparacağıq

Atıcılıq üzrə Azərbaycan millisinin 10 m məsafədən atəş açmaq üzrə Avropa Çempionatında iştirak edəcək heyətində dəyişiklik olub.

Sport1.az xəbər verir ki, yığmamız Xorvatiyanın Osiyek şəhərindəki yarışda 15 deyil, 16 snayperlə mübarizə aparacaq.

Bu gün start götürən yarışa yollanan heyətə Rəsul Məmmədov da qoşulub. 41 yaşlı atıcı tapança ilə yarışda çıxış edəcək.

Qeyd edək ki, martın 13-dək davam edəcək çempionatda Rəsuldan başqa, Nəzrin Abbaslı, Xanna Əliyeva, Leyli Əliyeva, Nigar Nəsirova, Zeynəb Sultanova, Elvin Astanov, Vladislav Kalmıkov və Ruslan Lunyov tapançadan, Aynur Mahmudova, Nigar Ramazanova, Nuranə Əliyeva, Jalə Bayramova, Əliməmməd Hüseynov, Ramiz Xəlilov və Üzeyir Tapdıqlı isə tüfənglə dəqiqliklərini yoxlayacaq.